Kweneng Chronicles Our People | Our Places | Our Stories 
Related Articles
Banni ba kgotla ya Gantshonyane mo Molepolole ba tla a agelwa sekolo se se botlana mo ngwageng ono wa madi.
Sekolo se se tla a tsaya baithuti ba mophato wa ntlha go ya go tsena ko go wa bosupa.
Go ya ka mokhanselara wa Lekgwapheng, Segolobe Mokanyane, ba setse ba sekaseka mafelo a a senang dikago go ka akanyetsa gore sekolo se agiwr kae.
O boletse fa kago e tla a tsaya selekanyo sa ngwaga mme a solofela fa e tla a thapa batho ba ka nna lekgolo.
Mokanyane a re kago e e imolola batsadi ka jaana ba ntse ba duela dipalamo go tsaya bana ba ba tsenang kgakala.
“Ba bangwe ba tla a sireletsega ka ba itsamaa ka dinao mme go le borukutlhi jalo matshelo a nna mo diphatseng.”
Gantshonyane o na le kgotla le kgosana mme banni ba solofela e tlaa nna kgaolo e e ka nnang le mokhanselara ka jaana ba le bantsi ka dipalo
www.kwenengchroniclesbw.com
www.youtube.com/ @kwenengchronicles9513
Kweneng Chronicles-Our People Our Places Our Stories
